temaşa emir û fermanî ’eceb ferxunde şayêke

Li pirtûka:
Dîwanî Mela Marf Kokeyî
Berhema:
Mela Marif Kokeyî (1875-1945)
 2 Xulek  591 Dîtin
temaşa emir û fermanî ’eceb ferxunde şayêke
binoře seffî mujganî ’eceb tîp û sipayêke
le taqî qewsî ebroy dembedem sehmî ḧewadîs dê
’îlacî nakirê bo kes ’eceb burc û qełayêke
heta key kuncî tenhayî were zahîd temaşake
ke xeymey şay şeker lêwan çi qesir û baregayêke
ke ḧusnî yar û eẍyarim le mîzanî xeyałimda
be dił dîtim hemû layêke ew tenya le layêke
xezêney řûmet û le’lî leb û sîmî zenexdanî
gutim bêtû xuda bîda ’eceb genc û tełayêke
îşařey kirde lamî zulfî, elfî qametî ye’nî
cewabî qeddî dalî to feqet lamelfelayêke
diłî xistûme qeydî xettî, qufłî xałî lêdawe
supasî lêdekem behbeh ’eceb seyr û sefayêke
ke ’aciz bûy le goşey teng û tarîkî diłim fermû
were ser mesteḧî çaw, çawekem xoş cîlwegayêke
meço nêw xestexaney ’aşiqî řû zerd û sewdaser
le dûrî to ’ecayb şîwen û şîn û sełayêke
«mutewwel» zulfî to bû «fesił» û «wesił»m lê temaşa kird
mu’emmayêke layenḧel û zencîrî bełayêke
hezaran qazî û muftî le mektebxaneyî ’îşqî
xerîkî ders û teḧsîln mełên tenya melayêke