qesîdey behar le wesfî qudretî xalîqî erz û sema
Li pirtûka:
Dîwanî Xadim
Berhema:
Xadim (1895-1953)
3 Xulek
1178 Dîtin
siřwey nesîmî subḧî beharî geřayewe
tarîkî řojî fesłî xezanîş biřayewe
enfasî wa le nefḧey «ruḧ alqidisErebî» eçê
’îsa sîfet şikofe beserya jyayewe
te’sîrî kirde şaxî girîbanî laxî dar
şaxî dirext miryeme wa çû belayewe
newroze, newbehare, behaware ’endelîb
mestane xoy le mewcî gułana tilayewe
bulbul be şaxî serwewe hawar eka ełê
cejnî wîsałe dêtu ełê dey biřayewe
lem cejnî gułşene le temaşay řûy guł
bulbul be neẍme hat û bexoşî be şayewe
bem sirwe baweşînî gułşenî kird destî newbehar
pişkoy cemałî ẍunçe be sûrî geşayewe
’er ’er be řeqis û narewen wihem çinar û nar
dên û deçin be lence û serwîş şayewe
bergî çemen le zerdî egořa le feyzî ew
bergî zumuřdî beserda kişayewe
darî henare nare gułî serçiłî ełêye
em agire le ’umrî şita çû biřayewe
bersîle mîslî tîfle be aẍuşî takewe
wextî ke pêkenî le baweşî daykî řişayewe
teqlîdî zułfî yar eka şořebî meger
şaxî beser qedî be hemû la çemayewe
narinc gułî qedeḧ eřjênê be damenî
şabaşî newbehare be ’etrî hedayewe
sûrî mîsalî agirî seḧray eymene
musa eçê be layewe xoy wi’esayewe
arayşî çemen dira be ’irûsî erxewan
taray penbeyî besera hełdirayewe
mewcî dehanî xendey guł aşkira ełê
wextî wîsalî bulbule babête kayewe
sunbul ke pêçû tabî le zułfî nîgar eçê
meşate ger seba bû ke ḧelqey kirayewe
ney hate řeqis û ḧałetî ’îşqî ekird beyan
bem lefze şekirî le mezaqa twayewe
bilbil ke şorî xistewe meclîs be giryewe
ẍunçeş be xende hat û dû lêwî kirayewe
têr awî xwênî ’aşiqe suḧnî çemen ełêy:
em lalezare be xwênî ciger řuwayewe
xoy şem’î bezme lale be řuxsarî agirîn
ewsake řonî şewnimî kirde çirayewe
nêrgiz le cwabî ẍefłetewe hatewe becoş
lem bezme hate meḧfel û çawî kirayewe
bo ḧucrey ’irûsî gułî gułşenî sefa
damadî fikirî nyetî wa çû belayewe
lem bezmeda sûraḧî egêřê le meclîsa
pyałey zeřî le ser kefî zîwîn enayewe
ser şorî řeng û boye binoşe ke satê dêm
mewcî cemałî cîlwey guł hate kayewe
seru û sinewber semen û yasemen hemû
seryan be ’ezmî secde le ser xak danayewe
wek ’etrî zułfî yare nesîmî seḧer kedî
bem sirwe agirî gułî re’na geşayewe
duřac wihem tezrû faxîte û kew hemû beyek
heryek be neẍmey be semay hewayewe
tebrîkî newbehare le gułşen le guł eken
bilbil bexende hat û cewabî edayewe
nîluferîş le tirsî şita lûlî xwardibû
bem mujde lêwî be xende dirayewe
her kule şîwe haje eka aw be nawya
her kanî awî wişke be carê jyayewe
herçî xezan le gułşenî estandibû be zor
bem bay nesîme emaney hemû edayewe
xadîm supas û ḧemdî xwa çon bika xuda
bem řûsyahîyewe û be zubanî birayewe
lem metłe’e nîhan bû cudim le nîstî
ser der ekem le cêgey tir dême kayewe