yaran dêwane
Li pirtûka:
Dîwanî Seydî
Berhema:
Sed (1785-1849)
3 Xulek
646 Dîtin
yaran dêwane, yaran dêwane
ئەبلەە kesêwen şêt û dêwane
çî dunyay fanî bisazo yane
be awayş wano maway wêrane
dunya menziłên wêrane, fanî
yaneş nedan saz kes ce wêranî
yaran her mesken wêrane zêd bo
ebleh ew kesen bewş umêd bo
herkes ’aqił bo çeneş çî nîşo?
řencî bê ḧasił pey dunyay kêşo
her êd xasteren bigno neřay
ta yawo welay ebed maway
’aqłanî dewr qedîm eyaman
yaney dunyaşan wêney «pul» faman
herçend bimanî new řaguzerda
ḧasiłş êden, bişîş we serda
er kesêw nebo wêł û dêwane
webanî pulda key kerden yane
dunya şarêwen çûn qedîm şaran
saknen têşda hezar hezaran
welê kes cawîd çeneş nemenden
her penc řo kesêw çagene benden
ne aramê hen, ne how qerarê
cey şar bermeşan herirٌû hezarê
mewyeran be cext yaran be «pul»da
gişt meban pêwar ce xak û xołda
peyapey meşan yaran bew řawe
yekê nimaro ser be dimawe
’eqłî to pêsen î dunyay fanî
kes têş nemenden, to çeneş manî
meşẍuł be kaw gił, yane mesazî
seferê sexten, dûru dirazî
şêta fîkiru to, xeyałit pûçen
xeyał her sefer karsazî koçen
wes lîbasî şuẍił dunyayî poşe
řay sefer dûren, peyda ker toşe
ga ne fîkirî ḧîrs cem’î małenî
gah perê menseb ne xeyałenî
gah çenî furzend şadî û zewqiten
gah perê dîdar yaran şewqiten
kelley ser ce kar dunya ker xałî
katê mezanî şadî betałî
ewsa mezanî ecel toş da gîr
paş nyay ne dam sîlsîle û zencîr
derûn puř ḧesret, xatir perêşan
dûr keftî ce ehil, ce qewm û xwêşan
ne mał ne furzend, nama be karit
to mendî ne qebir koy ’usyan barit
ewsa cew dima, waḧesreta bo
ta yagey nîştey, ne ber’amat bo
kerdey ziştî wêt wenet bî duçar
ya wardîş çûn werg, ya gestîş çûn mar
gîrodey kirdar fî’lî zuştî wêt
bê toşe û bê zad, xałî muştî wêt
«’asî»û řu sya, gunahkarî wêt
guriftar qebir teng û tarî wêt
ẍerqî gêcî beḧir syasetî wêt
şermende û řû zerd qyametî wêt
«ya ẍafîr alzّenb» siř poşî «settar»
buyer ce curmî seydîNasnava edebî xeta kar