guł nergis be wêş
Li pirtûka:
Dîwanî Seydî
Berhema:
Sed (1785-1849)
1 Xulek
708 Dîtin
guł nergis be wêş, guł nergis be wêş
şoxî dîde mes menazo be wêş
kesêwe dana bwaço perêş
to ce hamşanî dîdey yarit çêş!?
dîdey mestî yar mayeş her nûren
nergis to dîdet nabînaw koren
sa ke nedarî mayey nûrî çem
çenî dîdey dos pey çêş midey dem?
şoxî her layq dîdey dîdemen
çem her î çemen, dem her î demen
řiştey qoreten, ce ezel syan
nek waçî be mêł surmeş tê nyan
nabînay bê nûr, wêt çî mezanî!?
îtir çî kerî daway hamşanî!?
seydîNasnava edebî xo ce dax î dîdey mestiş
weşî î dunya berşî ce destiş