kosałan weşen
Li pirtûka:
Dîwanî Seydî
Berhema:
Sed (1785-1849)
2 Xulek
1118 Dîtin
kosałan weşen, kosałan weşen
mîrzam seyrî herd kosałan weşen
temaşay cergey «gułałan» weşen
seyrî serberzan «’ewdałan» weşen
pey lansaran xał xałş weşen
werwawî şîrîn lapałş weşen
şinoy şaxey saz şetawiş weşen
řo bêdarîş weş, şew xawiş weşen
temaşay newroz xałmawîş weşen
kafûrîş, nîlîş, syawîş weşen
çopî kosałan seyranş weşen
seday «qaqbo»y kebkanş weşen
çe xas cay geşten, ’ubûrş weşen
boy ’etru ’ebîr «çinûr»ş weşen
«şewbo»y nazenîn, eşed boş weşen
saraw derudeşt, keş û koş weşen
weşen boy «sosen» ser kiławanş
weşen sewzî ferş pay giławanş
weşen xirpey pay polî řendanş
weşen şîrîn xaw say sehnidanş
weşen çenî dos řo gêłîş pêda
weşen bîş hamřaz şewan ce cêda
weşen çûn beheşt řûy ser bîsatiş
weşen, şîrînen, ’eyş û nîşatiş
weşen, xas weşen seyrî weharş
fesłî nîsanş, mangî eyarş
pey kesê xasen mîrzam kosałan
çenî yar kero seyrî gułałan!
herkes çûn seydîNasnava edebî ce hîcran xesten
seyrî kosałan key awat wasten?