çiraẍim yarim
Li pirtûka:
Dîwanî Seydî
Berhema:
Sed (1785-1849)
1 Xulek
873 Dîtin
çiraẍim yarim, çiraẍim yarim
’emirim, zîndegîm, çiraẍim, yarim
yarî bê beynet, dostî diłdarim
to bare teşrîf we ser mezarim
er şerit û îqrar, werîn menden pêt
dîdey întîzar min, ana ne řêt
çûn kuştey hîcran daxî dûrî tom
sa to dimay merg, bo we ser giłkom
temaşay giłkoy tarim ker, dułber
dûdî syay tar, lêş meyo we ber
talêt me’lûm bo, sewłî xeraman
min ce daxî to, beytewr pêm aman
ewsa to mezar qebirim şikaway
we ḧałî cestey zelîlim yaway
dyay ayrî hîcran ce tenda
çi tewr bermeşo dûş ne kefenda
mezanî nazar, saḧêb şerit û şon
seydîNasnava edebî kuştey dax, derdî durî ton