diłe yad kere
Li pirtûka:
Dîwanî Seydî
Berhema:
Sed (1785-1849)
1 Xulek
721 Dîtin
diłe yad kere, diłe yad kere
fesłî cwanît, îse yad kere
ce destî pîrît, emcar dad kere
hem bikêşe ax, hem feryad kere
menził wêranen, xas kewten wazit
bigrewe pey ḧał, cestey bê nazit
îse bo we hoş, meger bê hoşî
cwanît wiyerd, bidye we goşî
er dîdet wînan, bidye ne caman
cestey wêt wîne, ce ser ta daman
bałat çûn tîr bê, ferqit wêney qîr
tîrit bî keman, ferqit bî we şîr
kon safî řuxsar sefḧey cebînit?!
kon dîdey poř nûr mujey cemînit?!
çem çemey hûnaw esrînş xêzan
ser nêş qulap, mujanş řêzan
’eqdî dundanit yek ce yek, cyan
řengî mirwarît çûn şewî syan
bidye we keman, çemîdey çeftit
kon têjî hełmet?, kon řextî řeftit?!
qamet çefit û lar, dundan kefit û kel
gêre pay leng, to be destî şel
heř de we serda çûn azîz merde
pey weşî werîn, ’umrî wiyerde
dirêẍ her nebya seydîNasnava edebî ce zelda
nek bidya we ḧał cestey xelelda