ḧikûmetî mîtanî

em ḧikûmete ebê qołêkî kasay bê û le menzûmey subarîdaye. le şîmalî cizîreda ḧikûmetêkî gewrey damezranduwe û le cumley çwar ḧikûmetî bequwetî mîsir, hîtît, kasay û mîtanîy zemanî xoy buwe. merkezî «waşşoẍanî» buwe.

le tarîxî 1580 p.m.da fir’ewnî mîsir, tehutîmsî ewweł , le seferî asyayda tesadufî ḧikûmetî mîtanî kirduwe û le muḧarebeyekî ḧidûdda şikandûyetî. le î’tîbarî em tarîxewe le beynî dû ḧikûmetda munasebet peya buwe wile 1522 p.m.da mîtanî bote tabî’êkî mîsir.

le ’esrî çwardeyemînî p.m.da legeł ḧikûmetî hîtît îtîfaqî kird û le fitûḧatî em qewmeda ḧîsseyekî gewrey şan û şerefî heye. le ewaxîrî ’esrî syanzeyemînda ordûy mîsrî le wiłatî «’amûrî» derpeřand û qeřałî mîtanî, «kuşan rîş asaym», beşî lay jûrûy sûryay dagîr kird û qewmî benî îsra’îlî heşt sałêk xiste jêr ḧukmî xoyewe, beşî zorî kurdistan û wiłatî asûrî û araqaş be des ḧikûmetî mîtanîyewe buwe.

le dwayîda berebere bêhêz kewt, wiłatanî ẍerbî furat kewte dest hîtît û şîmalî sûryaş kewte dest fir’ewnekanî mîsir û wiłatanî şerqîş le teřef «tîẍlat pilayzer»y ewweł, qeřałî asûrîyewe zewt kira û nîhayet le zemanî «asûr nasirpał»y sêyemda baqî wiłatanîşî le dest çû û ḧikûmetekey dwayî hat (’esrî heştemî p.m).