dîwar

leser nexşey qutabxane
ezmûnî cugrafyay hebû
hestî dekird
nûzey xakêkî sik sûtaw
têkeł be dengekey debû
sinûrekan
le jêr penceyda têk deçû
le mamosta û
le wełamekeyşî yaxî bû
lew waneyeda derneçû
bełam xewnêkî însanî bo peyda bû
lew xewneyda
zewîyeke awus debuwewe.
sinûrekan
wek nawkî taze sawa
deqirtan û
xake sik sûtawekeşî
çak debuwewe.
lem xewneyda
tenya nebû.
gerçî herwa
betenyayî têkeł dengî
gerdûn debû.
xewnekey dengî xoy hebû
şewêk hełsa bedzîyewe
boye û fiłçey dozîyewe
hemû xewnekanî leser
dîwarî şar nûsîyewe
dujminanî
nexşey xewe meznekanî
sibey singî
dîwarî şaryan hełdiřî
gerçî be çawî xoy bînî
xwênî singyan
qetmaẍey řeşyan bestuwe
bełam piř bedił deyzanî:
dîwarekan
emyan le yad neçuwe
çunke sibey be dizîyewe
hawřêy tiryan bo dozîyewe