parey pyawî řijd, ke hełî egrê
Li pirtûka:
Pendekanî Pîremêrd
Berhema:
Pîremêrd (1867-1950)
1 Xulek
644 Dîtin
parey pyawî řijd, ke hełî egrê
xoyşî lêy naxwa hetakû emrê
şûşey nuqłêke be ser řefewe
tametamîye, her le dûrewe
ke xoy mird şûşeyş kewtote xwarê
çekme bor nuqłî xway bo debarê
mîratgir le piř parey destikewê
eyka be şiłpe û keyf hemû şewê!!
xozge mirdiwekey çawî lê ebû
azarî gořî girantir ebû
xozge mabaqî dewłemendekan
ke em ḧałeyan edî be çawan
em derde boyan ebû be ’îbret
neyan exsite dway xo, be ḧesret
nek be sefahet, le řêy xwada
beşî feqîr û hejaryan eda
xu eger dway xoy mîratgir zor bê
ebî beşî ew her goř be goř bê
çunke małî ew mîqrobî şeře
legeł yektirda de’waye û geře
êsta xo parey zekat nemawe
qerzî ayînyan nawe be lawe