peřey teqwîmêk ke hełyepçiřî
Li pirtûka:
Pendekanî Pîremêrd
Berhema:
Pîremêrd (1867-1950)
1 Xulek
591 Dîtin
peřey teqwîmêk ke hełyepçiřî
řojêk le ’umrî xut da edřî
parey me’aşt ke le dest bibřê
hewłî ewete zû mang têpeřê
nazanî ke ew mang û řojane
’umrî çend hezar hezar însane
ew ’umrey emřo ke lêy bêzarî
boy dekewîte şîwen û zarî
bełam faydey çî bot nayetewe
lêt tora îtir aşt nabêtewe
tîr ke tiraza û derçû le kewan
nayêtewe be aman û zeman
’umir be kurtî û dirêjî nîye
huner be gurcî û zor bêjî nîye
’umrêkî kem û bexêr û xoşḧał
xoştire le ’umrî dûsed sałî tał
ke sermay zistan hełî çoqandîn
qedrî bê bergî hawîn ezanîn
katê qedrî dan ke lat enwênê
danî la’îde pûkit bêşênê
ḧesertî ’umrî řaburdiwîş bo xoy
derdêke zyatir xemî pê dexoy