be xowe nedîwe ke geyye pałto
Li pirtûka:
Pendekanî Pîremêrd
Berhema:
Pîremêrd (1867-1950)
1 Xulek
617 Dîtin
be xowe nedîwe ke geyye pałto
xoy bo hawşanî ekutête pał to
kewłî simoryan daye kerewan
kerî pêş xoy xist, kirdye ser kopan
«geda» serkarîy eger pê bibřê
pyaw maqûł eşê wek kar ser bibřê
her le seretay cîhan ta emřo
nadan be keyfe û dana be řo řo
hêşta tênagen ke xwastî xwaye
be xoy binazê û dwayî le dwaye
ebînî ewey ke xatirceme
le hîç tênaga boye bê ẍeme
çiraye kewa xwa hełî gîrsand
ewî fûy lê kird řîşî xoy sûtand
hendê nasrawin be xełk eweřn
nanê le beşer be şeř epçiřn
gořî ewane be «semendok»e
demîşyan bigrî piř zigyan noke
be bay nok etiřn eden le powe
pîsayî tûle eken be bowe
nan efřênin le «merdeloxe»
lewlawe jinyan eden be «doxe»