her çî ke zanît řûbazařîye
Li pirtûka:
Pendekanî Pîremêrd
Berhema:
Pîremêrd (1867-1950)
1 Xulek
787 Dîtin
her çî ke zanît řûbazařîye
meykiře řengî tefrekarîye
her çîş ke meylî be lasarîye
lêy megre ewey le bêkarîye
bełam hendêkyan le bedxûyîye
ke wa kirdewey her dûřûyîye
hendê eynasin ke wa be xwaye
be tefrey şeytan xełkî le dwaye
řołey nazdarman exate jêr pêy
ewan bixinkênin berz bêtewe pêy
lawan xwên germin ewen be coşin
wa ezanin bo gel tê ekoşin
xwa ewe bigrê em dił pakane
tûşî şeř eka be bê bakane
le řêy miřmyawî kitik û dawda
le beẍda kergel xoy be kuşt eda
em şeře le ser kursî dû kese
min boç bikujrêm bêhoşî bese
her ewendeye geyye ser kursî
le derdedar û birsî nepirsî
emîn zekî beg ya ’elî kemał
wa be xořayî nîştûnete bał