’aşiq ke be şew nałekar ebê
Li pirtûka:
Pendekanî Pîremêrd
Berhema:
Pîremêrd (1867-1950)
1 Xulek
857 Dîtin
’aşiq ke be şew nałekar ebê
ke nazî zorî dî bêzar ebê
çeqo ke zorî biswî berudwa
demesû ebê û biřiştî eřwa
xwardinî betam ke zorit lê xward
ebînî nefist ke lêy hełbiward
tenya pareye hetakû zor bê
têr naxoy her çend be şeřuşoř bê
bełam parey zor zoryan bełaye
dem qemter eka û çawî ledwaye
zor kem xawendî xêrî ebînê
bo mêrdî tazey jinî emênê
yaxo kuřanî ekewne de’wa
nîwey be řesmî meḧkeme eřwa
eger xwa bîda û to bîdey be xełk
bo herdû dinya bot ebê be kełk
çend xoşe legeł hendê le eḧbab
diłêkî saf û dewrîye kebab
be fiřan fiřan xotî lê têr key
be tame tame dojminit kwêr key
ke wat bo řêkewt dinya beheşte
řoḧit le ewcî keyfa le geşte