ew şwêney kewa piřye le nadan
Li pirtûka:
Pendekanî Pîremêrd
Berhema:
Pîremêrd (1867-1950)
1 Xulek
769 Dîtin
ew şwêney kewa piřye le nadan
dana naçare derçê le nawyan
ke zanît zordar kewtûne ser kar
ya mil keç ke ya koç ke be naçar
sê tîre heye ke hunermendin
le lay xwa û bende, her sê pesendin
yekê zahîde xoy řizgar eka
duwem ’alîme dersî kar eka
sêyem bexşinde ke firyadřese
her ewe kewa bo bêkes kese
ew dwane kełkyan her be zubane
kełkî bexşinde nane, bo gyane
pîşey pesnidî xway perwerdigar
kerem karîye eyhênête kar
zor kesî weḧşî, tûndixû, sehende
be desende bot ebin be bende
ke koy keytewe û bîşarîyewe
ełên damawe be barîyewe
ke le řêy xwada be dił bîbexşê
kirdikar gunay ewîş ebexşê