ew kesey kewa le xoy bayye
Li pirtûka:
Pendekanî Pîremêrd
Berhema:
Pîremêrd (1867-1950)
1 Xulek
805 Dîtin
ew kesey kewa le xoy bayye
dûy ba kewtuwe, řenc be bayye
xudbînî ’eksî awêney dêwe
emdîwî dîwî, dêwî ser kêwe
boye gilêney çawim xoş ewê
ebînê û çawî be xoy nakewê
dinya ebînê û xudbînî naka
’ezîze lenaw endamî çaka
bedkar lay gewre ke têdekoşê
pełe hewr tîşkî řoj da’epoşê
xwa řegî çiqił le bin hełkenê
dest bo guł ebey, destit eřnê
hengiwînîş çizûy hengî legełe
bełê her noşê, nêşî têkełe
eme fermûdey řastî «nebî»ye
ke le cîhan da asayş nîye
eger serkewtin ta ser, serbigrê
boçî le beheşt ekirayne derê?
dyare ke xoşî bo kes namênê
lebîr namênê keyfekey dwênê
emřo kewtûyne naw dost û awał
ke şewt lêhat, xewe ya xeyał
legeł tałîşya dinya şîrîne
hendêk be dînî dinya bêdîne
heyşe ke dinya «denî» ezanê
dûre le dewrî dûnan bo nanê
be hîway řezay xuda bê ẍeme
le paşeberey newey ademe