bêwre tirsî ke hat besera
Li pirtûka:
Pendekanî Pîremêrd
Berhema:
Pîremêrd (1867-1950)
1 Xulek
649 Dîtin
bêwre tirsî ke hat besera
kune mişkî bo ebê be sera
nazperwer qołî zû ebê cemam
serma qingî ker eka be ḧemam
xoy şardibuwewe le kun û qujbin
kerî xoy lela bû be řimuzin
ewey le řastî hejar dilêre
be ker nawêrê be kurtan şêre
wityan to xurmat ewê ya mêwij
witî min nawî xom nawe xurimj
ke aw biłq eka û qut ebêtewe
zorî pê naçê enîşêtewe
ew biłqe ełê: dewłemend waye
kelley bayêkî xeřoyî tyaye
nazanê dinyaş wa bê bayexe
ewî bimênê dałde û dayexe
çake řojê dê ke dêtewe řêt
bexşende nebî kê ezanê kêyt
zimanî çakîş cêy pare egrê
zor car hejarî pê da’emezrê
ay zimanî bed, way pyawî bedkar
zimanit biřn demî gořewşar
bawcud bedkar nazanê emrê
be gurzî agir têy heł’edrê
pyaw le xizmî pyaw nuşust nabînê
goşt eba û êsqan têk naşkênê
xełk û bêgane xizim esûtênê
keçî aw eřwa zîx her demênê
bełam bêgane eger dana bê
xoşe le řêyda xoyşî danabê