be şîrî gamêş ger cwanû goş key
Li pirtûka:
Pendekanî Pîremêrd
Berhema:
Pîremêrd (1867-1950)
2 Xulek
986 Dîtin
be şîrî gamêş ger cwanû goş key
ebê le awa cê bo xot xoş key
ew kesey bêçûy gurgî bexêw kird
be kirdey ew xoy tûşî cinêw kird
ewey moryanî leşî nekojê
goř waye espê xwênî bimjê
ewey hemîşe le xełkî edwê
řojêkîş ebê mekîney eswê
mekîney swaw xełkî kewte şwên
ew saye nawî «menî» lê enên
be meř meřokê ewî têkewê
ebê çepokî dostî berkewê
eybestinewe be dest û pê û çaw
ełên naykiřîn be nanesûtaw
bore pyaw gałtey kird be kone beg
gurg pîr bû ebê be mesxerey seg
herçend bê emrî xuda hîç nabê
bełam kar ebê sebebî tyabê
ke to danîştî û xwa îşt bo bika
etewê xwa bikey be kwêxay derga
newełła to xot bike be mensûb
selke penîrit bixere naw gûp
qeyd naka eger ew aẍa gořa
«firak»y tazey em bike be bera
zimanî lûs û řyay be řê û cê
pyawî dinyayş û xiwayş dênête řê
hêşta neyandî kes be îqtîdar
bebê wasîtey erxe bête kar
ewî be ’îlim û namûs enazê
hoy kewte namerd bo nan û pyazê
ta dewrê neyêt ke pyaw bo îş bê
ebê her bawî pyawî bê řîş bê