ẍirûrî kewte ser esfendyar
Li pirtûka:
Pendekanî Pîremêrd
Berhema:
Pîremêrd (1867-1950)
2 Xulek
1088 Dîtin
ẍirûrî kewte ser esfendyar
tîrî řostemî zû bo kewte kar
le pêşda zorî lê pařayewe
awřî xêrî lê nedayewe!
eygut min leşim le tunc kirawe
tirsim le gurzî řostem nemawe!
tîrê hat û day le nawî çawî
çemandyewe qedî lawlawî
řostem pêy gut kwa řobîn tenyeket
awaze û laf û gezaf jenyeket
kê witî: destî řostem bibeste
çerx le jêr destî řostem da peste
esfendyarîş hênd hate ziman
çep gerde çerxî bêwefay zeman!
sed hezaranî wêney minî kuşt
gahê pişt be zîn, gahê zîn be pişt
meger şaname be keyf bixiwênin
nabê pendêkî way lê derbênin
eger her pendê pendêkman batê
êmeyş eçîne řêzey wiłatê
bełam her ezîn wa hełdebezîn
guře guřmane ta dêyne ber zîn
be ḧuştiryan gut milit dirîje
witî: eřwanim řê serewlêje
lêre ewkesey karyan pê sipard
miłozmêke bo henase sard
her xoy aẍa bê û jinî aẍajin
legeł biraya bîke be dujmin
le aẍayetîş ke hatu lêkewt
xoy ekutête mîḧrabî mizgewt
bo ew kesaney şermîş namênê
dujminîşî bê her eydiwênê
le naw çawaye tinokî ḧeya
ke legeł tika, řaburd, wa tika
çwar yarî yek řeng modey nemawe
êsta dûřengî le nawa bawe
řojêkman lê dê bigeyne bwar
naçar derkewê řengî jêr şełwar
kes watey çake nagêřêtewe
ẍeybetîş lay kes naşêrrêtewe