felek be pyawî tirsinok fêre
Li pirtûka:
Pendekanî Pîremêrd
Berhema:
Pîremêrd (1867-1950)
2 Xulek
1757 Dîtin
felek be pyawî tirsinok fêre
be ker nawêrê be kurtan şêre
emca to debê xot netirsênî
be hîmet çerxî felek bişkênî
hewre tirîşqet le la, wek ba bê
be bê perwayî şat la geda bê
bełam bew şerte kirdewet çak bê
diłit le fîtney casûs bêbak bê
goyje, mêzerî befrî leser na
nawşar naxoş bû be zuqim û serma
dar û xełûzman fî’atî serkewt
qey naka haka pişkoman bo kewt
hendê be zopa germ ebnewe
hendê be sope germ ebnewe
gałtey «ḧebezbûz» dîsan kewte ser
kerametî şêx çuwe «zeylî» ker
xwace nesredîn bo her sê su’al
tenha kerekey xoy kird be mîsal
kerî ’uzêrîş le qur’anaye
be’setî ewîş zor be manaye
ełên ew kere tenha zeřîwe
nêremûk buwe û hîç nepeřîwe
xo kerî ’îsaş netewey nîye
nazanim ewe ḧîkmetî çîye?!
êsta kerêkî decałman mawe
hêşta kurtanî bo nedûrawe
tersî kerekey decał xurmaye
bo ew xurmaye xełkî le dwaye
hendêkman heye kewa xurimjen
hendêkîş kuştey xurmay kurd kujen
kelermî kwêstan be sê şayye
em «lehane»ye ane bayye
pendim be pend bû, wek pendî pider
lehane zor bê eyxeme ber ker
telîsmî camî çil kilîleye
goşt bo kere, ka bo pişîleye