elfî miradit fiřêda, merdî
Li pirtûka:
Pendekanî Pîremêrd
Berhema:
Pîremêrd (1867-1950)
1 Xulek
739 Dîtin
elfî miradit fiřêda, merdî
şwên mirad kewtî, bo direm mirdî
řojû û nimazit ke bo nyaz bê
wek ’aşiqêkî ke pîşey gaz bê
nwêjî zor, pîşey pîrêjnane
řojûyş esłekey bo řemezane
syaḧetî ḧec seyrî cîhane
ewî be kar bê bexşînî nane
kabe binaẍey biraymî xelîle
dił nezergahî řebbî celîle
dił deşkênê û deçê bo kabe
meço, mezalîm leser xot labe
min zyaretî kabem kird bełam
zyaretî dił pêştire le lam
le deştî mîna qurbanî dekey
bo gurg û çeqeł dyarî debey
lêrey serbiřî û bîdey be birsî
debêt be qełay ayetulkursî
dezanî kewa dinya fanîye
way degrî ta ser zîndeganîye
eger to ta ser her bijyaytaye
eşya bo dway to cêga nemaye
wek pêş to cêgay xoy dawe be to
toyş cêy xot bide be yekê û biřo
eger pêdagrî û biłêy min nařom
toyş wek yarokan dehawne bin gom
ga le ser piştî masî danrê
tiřekełekê dyare ser nagrê