qedrî xot zyad ke be qedirzanî
Li pirtûka:
Pendekanî Pîremêrd
Berhema:
Pîremêrd (1867-1950)
1 Xulek
1138 Dîtin
qedrî xot zyad ke be qedirzanî
xot nebê hîç kes be sûk neřwanî
wek gilêney çaw ’alem debînê
tenha wicudî xoy la nanwênê
herçen dewr dewrî xohełkêşane
xohełkêşan wek sing hełkêşane
lay hendê cinêw edebyate
hendê be xeyar ełên: zełate
hendê ke pyaw kewt pêy ełên kere
hatewe řûy kar ełên cewhere
qetrey ḧeyayan lela tikawe
řûbeřû şermyan lela nemawe
eger emane wa nebûnaye
be çakî boman ehatne kaye
to lew kesane hemîşe dûr be
le kuncî xota, hełke û řûsûr be
nesîḧetêkyan kirdûyn zor çake
ełên xakî be, esiłit le xake
ger bo kełkî xot gewreyît bwê
biłê: xanûyêk, ekem bo şewê
gewre ewete ke çakey ’am bê
nek dewrupşitî xoy lê be kam bê