çawekem dûr bê le řût wa çawekanim jan eken
Li pirtûka:
Dîwanî Eḧmed Muxtar Caf
Berhema:
Eḧmed Muxtar Caf (1896-1935)
2 Xulek
3965 Dîtin
çawekem dûr bê le řût wa çawekanim jan eken
her le surmey xakî řêgat arezûy derman eken
ye’nî awî dîdekanî min le dûrîy qametit
wa be xuř dên her le nehrî tanceřo û sîrwan eken
perçem û lêw û demî şîrînî yarî nazenîn
her le zułmat û le awî çeşmeyî ḧeywan eken
canfîday ew dulberanem wa be xendey lêwyan
bê mudawa zamî qelbî ’aşiqan derman eken
ew kesaney xadîmî dergay nîgarin dayma
gałte û suḧbet be textî qeyser û xaqan eken
lade şa’îr to le basî ’îşqibazî û seyrî ke
çon xerîkin çen kesê êsta weten wêran eken
cahîlan bo îstîfadey zatî xoyan řoj û şew
lem muḧîte men’î ’îlim û sen’et û ’îrfan eken
řûřeşî dinya û qyamet ew nefamanen ke wa
hecwî qewm û mîlletî xoyan be pare û nan eken
asman êsta weha çerxawe cahîl ẍałbe
gurbe û řêwî xeyałî mertebey şêran eken
çen kesêkî taze pyakewtû le kûre derçûn
pyaw ke çû bo îş le pêşa yoqłemey gîrfan eken
xełqe be’zê kes le însanî çîyan dîwe zerer
wa hemîşe meşqî weḧşî û peyřewî ḧeywan eken