ewweł perde bû le sînemay çerx
Li pirtûka:
Pendekanî Pîremêrd
Berhema:
Pîremêrd (1867-1950)
1 Xulek
973 Dîtin
ewweł perde bû le sînemay çerx
bizanîn çone! înca bazî berx
kes be bazî çerx piştî nebestê
herçî keçřew bê axrî dewestê
řêy řast emîne eger pya biřoy
le lay hemû kes bêgane nît xoy
dû berd pêkaden yekê şikabê
ewî tirîşyan bê zede nabê
ewî le dujmin tołe destênê
ew întîqameyş bo ew namênê
ewaney dwênê ke le řû dost bûn
wa emřo derkewt be temay post bûn
ke dostit řoyî û to bêwefa bûy
dyare le řêzey pyawetî derçûy
hendê wefayan bo dwayan nîye
êwe hîwatan be wane çîye?!
çend xoşe pyawê nawçawan derxa
be pyawetî xoy qisey xoy serxa
çen xoşe dostit nawçawan pak bê
le berewřûyî diro bêbak bê
řû le pakîye bexêr em nawe
gaman giruwe kilkekey mawe