dinyakey fanî karwanseray řeng
Li pirtûka:
Pendekanî Pîremêrd
Berhema:
Pîremêrd (1867-1950)
1 Xulek
919 Dîtin
dinyakey fanî karwanseray řeng
nîwey dił şade û ew nîwey diłteng
awêney dewran dû çişt denwênê
xetemîzînê û kiławfiřênê
be ’eşayerî de’wa ḧel deken
şagird şeq exwa û westa tê dexen
lexet dermeço û mekewe dewre
dest be kiławî xotewe bigre
le kerî topîw megeřê bo nał
řojêkîş debê to dexene çał
destey xoy dewê ke xawen deste
deste kewte dest, destey tir peste
ew karbedestey ke karşunase
kirdewe nase xatir nenase
ewî be xatir emřo damezra
ke erxey gořa petî ew piçřa
ew pyawey pyaw bê ew îşey nawê
wek mayn çeqeł her kese tawê
ewî be hîway řeca û bertîl bê
ebê gwêy daym le zîlezîl bê
ba wicûd êsta ’eksî eweye
ebînîn dewran bo yek şeweye
dyare ew baxe ke nayete ber
«birîsî yapar awbirî bozer»