letafet
Li pirtûka:
Xoşxwanî
Berhema:
Elaedîn Secadî (1907-1984)
1 Xulek
1151 Dîtin
lem cwankarî wişeyye û lem řegezdozyeda wekû em pîşeye heye, cwanyekî tirîş heye ke leser zimanî zanyarî cwankarî be «letafet» naw ebrê. be wêne wekû lew nîwe honraweda ke ełê:
«ke naçîn lêre, xoşe çînî maçîn»
«le xoşeçînî maçîn»da em cwanîye dirust buwe; ełê: ême boye lem şwêne nařoyn çunke hêşoçnî maçîn. le heman kata eweş egeyenê ke biłê:
ême boye lem şwêne nařoyn çunke xoşe; çînî maçîn, kewate neřoyştinekeman leber xoşî ew şwêneye û be cêy nahêłîn.
we ya her lem řuwewe «nalî» ełê:
«ehlî te’dadî meḧasin nûsîyan»
«xał yek û zułfî dwan, her dû sîyan»
le wişey «her dû sîyan»da em cwanîye dirust buwe. le layekewe mebest ewe egeyenê ke xał û zułf sîyan; - syan; wate řeşin, le layekî tirewe jimarekey tewaw kirduwe ełê: xał yek, zułf dû, dû zułfekey, hemûyan bûn be sê. ye’nî legeł xałekeda.