beḧrî «miqtizb»
Li pirtûka:
Bedî’ û ’Erûzî Namî
Berhema:
Mela Ebdulkerîmî Mudeřîs (1901-2005)
2 Xulek
783 Dîtin
beḧrî «miqtizb» wa bas kirawe
be şeş tef’île weznî tewawe
bo her «misir’»ê yek «mif’ulatin»
dû «mistif’iln» le dûy yek hatin
«’iruz»y yeke «miciz’» û «mitwî»ye
«zirb»y yekêke weha merwîye
«ciz’» dyare û mu’amley «tî»
bo «mistif’iln» wehay lê bikey
ke «mifti’lin» danîşê le cêy
bîxwênerewe ḧałî bibe lêy
***
diłberî min newcewan
şagułî baẍî gułan
nêrgisî mestî çawî
wêney çawî ahuwan
qed ’er’ere, mû kemere
sîne bilûr, řû qemere
demî wekû ẍunçe gułe
dermanî azarî diłan
gerden bilûrî diłbere
şewqî le bo mał û dere
hetawî řûy ke kewte der
řûnak eka diłî cwan
ebroy řeşî keçî bû
wenewşe milkeçî bû
řêḧane ḧeyranî ewe
wa be hewa dête tekan
sosen leber meẍarê
ser der exa beharan
le ’eşqî řûy becarê
wexte bête witaran
şeqayeqî kosaran
eba diłî diłdaran
zweqî řwî ewe yaran
xoy der exa beharan
ẍunçe beser şatewe
boç lêwî nakatewe
xecałet eybatewe
xo der bixa le yaran
seḧer leser herdewe
guł ke demî kirdewe
witî bedem derdewe
le kwêye şay diłdaran
dił bulbulî gułzare
’aşiqe bew řuxsare
tu xuda were emcare
bitbînim wekû caran
leber derdî derûnim
bexwa gelê zebûnim
le xemdam çeşnî nûnim
luqmanî derdedaran
ḧubbit ger dił dagrê
tawlerzî xem naygirê
herwa ejî ta emrê
eyben lebo mezaran
namîNasnava edebî bequrbanî to
qurbanî derbanî to
’aşiqe be çawanî to
qesem be gułî řuxsaran