astitrad
Li pirtûka:
Bedî’ û ’Erûzî Namî
Berhema:
Mela Ebdulkerîmî Mudeřîs (1901-2005)
3 Xulek
890 Dîtin
bîst û şeşem: «astitrad»e ke eweye qiseker lew mebestey tyayetî labda bo mebestêkî tir leber munasebetêk lenêwanyana, paşan bigeřêtewe ser mebeste esłîyekey û tewawî bika, wek lem řiste ’erebîyeda der’ekewê: «yiqul alqa’il ri’eyt ricla mitîna fî alaslam, wan aldîn ’ind alilh alaslam, û mira’atih tifîd lisaḧbة si’adة aldarîn. wikan alircil ’alma bar’a fî al’ilum kafة wafadnî wacad fî afadtî, cizah alilh ’inî xîra.»
şa’îrî xoyşiman bo nimûne hênanewe bo em sin’ete ełê:
bizanin yarim pêkamî be tîr
tîrî diłgîrî «byare» diłgîr
«byare» me’nay «pyadeřê»ye
řêgey pyadeye piştî ew dêye
wextê hêrşî supay eskender
wiłatyan dagirt emser ta ewser
sware be diłî na’emînewe
hemû serkewtin le sûrênewe
pyadeyş le byarey xoş ser û daman
serkewtin bo ser kêwî hewraman
ca ew tîrey wa diłber day le dił
diłî kird becêy têrawêy muşkuł
her lew satewe heta em sate
diłim çaweřêy boy berekate
herçend pêkamî be tîrî nîga
du’ay bo ekem katî seḧerga
qet bêzar nabim be êş û azar
azarim bonê dênê le gułzar
***
dexîl lameden le dînî diłber
diłber dîdeye bo xawen nezer
bałay çun ałay berze çinare
medîney serwî dewrî cobare
wêney perçeme lebo nîştiman
kanî emane û merkezî îman
gêsûy kemende lebo ’aşiqan
bendî zincîre lebo muştaqan
biroy kewane û birjangî tîre
tîrî seyyadî hezar neçîre
çawî nergisî nergisecaře
bonî wenewşey çemî byare
lêwî ’eqîqî yemenî kane
xałî «ḧicir alasud»y cwane
řuxsarî tawî çerxî çwareme
mayey řûnakîy çerxî ’aleme
em yare dyare ademîzade
bełam be řastî bałanejade
feramoş mebin le ’eşqî bałay
le meşqî ’îlim û le zewqî kałay
herçend nîşaney tîrî birîne
birînekanî cêy aferîne
her ewe mayey řizgarîy diłim
her ewe çiray mał û menziłim
«namî» jîwarî yadî yarane
sebir û qerarî be kosarane
em şê’raneyş herwa nimûney hunerî «astitrad»n:
newciwanêkim dî, ewîş bizane
kewa cwan zorin lem nîştimane
wêney nayabe lem kêw û deşte
sa meger ḧorîy baxî beheşte
le her şwênêka satê bimênê
heta hetaye beheşt enwênê
paş mirdin katê şwênî xom egirim
zîndûm, çun be boy ewewe emirim
emcar lew kata eřom bo meḧşer
be be’sî ’alem «alilh akbir»
hîwam eweye lejêr ałaya
bim be senaxwan leber bałaya
le ḧuzûrya bim ta «ḧuz almurud»
ewsa wer’egirim wesîqey xulûd
emeye mayey aramîy «namî»
le ’eynî ’îşqa werî girt camî