kê be ḧeqqet yar binasê merdî dana her ewe
Li pirtûka:
Dîwanî Eḧmedî Kor
Berhema:
Eḧmedî Kor (1771-1856)
2 Xulek
1051 Dîtin
kê be ḧeqqet yar binasê merdî dana her ewe
daneyî destî ẍewas û şewçiray gewher ewe
şew çiraẍî genc û małim, quwete bo peřiř û bałim
zyad le ’îşqî ew bê ḧałim, diłřuba û diłber ewe
diłřûbayî cînin û nasan, destigîrî ’am û xasan
padşahî ḧeq şinasan, kûreyî mecmer ewe
mecmerî piř coş û nare, piř tem û dûd û şerare
çî be ḧubbit întîzare, xasî řûy defter ewe
defterî ’eqił û kemałe, saḧêbî ḧusin û cemałe
bo silûk ew ehlî ḧałe, xasî řêy řehber ewe
hadî û mehdî le her bab, şahî hînd û řûm û e’rab
şewnşînî kuncî mîḧrab, wa’îzî mînber ewe
ferq naka xoy le xakî, ew lelay nîn bîm û bakî
bê guman ewladî pakî, fatîḧî xeyber ewe
ceddî wî fatîḧî xeyber, hem řesûłî pakî enwer
xoşewîstî xasî ḧeyder, alî pêẍember ewe
ḧakmî textî şerî’et, salîkî řêgey terîqet
’almî ’îlmî ḧeqîqet, yarî leb şekker ewe
şekkerîn lêw û zibanî, ’eyşî řoḧ û noşî canî
qeddî şimşadî cîhanî, řendî qed ’er’er ewe
řendî ’alem îḧtyace, řûy wekû şem’ û sîrace
dařûyî derd û ’îlace, saqîyî kewser ewe
saḧêbî ḧewzî tehûre, řûy wekû bedrî zihûre
řoj û şew dił der ḧizûre, şafî’î meḧşer ewe
saḧêbî erkan û dewłet, mayeyî îqbał û ḧîşmet
new nîhalî baẍî cennet, nafî’ û exzer ewe
ger qedem danê le berze, sayeyî nîne le erze
řoḧ fîday bê ’eynî ferze, gencî eskender ewe
her çî genc û miłk û małe, serbeser pûç û betałe
ẍeyrî ḧubbî ew meḧałe, gencî piř gewher ewe
her diłêk bê ḧubbî to bê, mar û ’eqřeb lêy weko bê
piř birîn dayîm be so bê, xaneyî ejder ewe
«eḧmedî korNasnava edebî» to çûzanî, to ze’îf û pûç û fanî
dem dedey le medḧî canî, baqî û ekber ewe