mamosta gyan
bo beřêweberî qutabxanekem le çwarta, mamosta «’. we. nurî»
Li pirtûka:
Dîwanî Kakey Felaḧ
Berhema:
Kakey Felaḧ (1928-1990)
1 Xulek
456 Dîtin
lejêr temî yadgara
temî xestî řojgara
ew serdemey min minał bûm
çolekey bê peř û bał bûm
be hezar ḧał şêwet ekem
qetmaẍey zamê la edem
henaseyek be ba edem
sałanî pêşûm řa edem
zam: ta biłêy sext û qûłe
henasey çî? gerdelûle
ke xuşkî leş hełqirçawim
gyanî eda leber çawim
çon daykî ciger giř girtûm
bo firîştey ledes derçûm
xuşkî min û qutabî to
birje birjî bû be pişko
kiçanî le heywan řakşaw
be astemê nûze tyamaw
hatî bo lay, mamosta gyan
ey mamostay dił mîhreban
bedest û pencey pîrozit
be hestî bezeyî û sozit
dermanit da le zamekey
bot hêna biřwanamekey
be çawî witî: bo çîme?
herçî hîway jîn bê nîme
zor danîştî belayewe
wek bawik diłit dayewe
îsteş yadî ew kispeye
lenaxa çeşnî kiłpeye