lêk dabřan

ke řoyştin, wa nezanin
kemterxemîm, řêy lê tenîm
wek řojan û şewanî zû
hîç nexewm, pêştan kewm
be hewrazî kwêstanî hat û nehata
hîç nesrewm, her serkewm
kołî xem û endêşetan
yan twêşeberey kêşetan
herçî heye û herçî ebê
lê wergirim, bo hełgirimke řoyştin, wek dû kotir
ke datan le şeqqey bałtan
berew hewargey xeyałtan
bo sêberî darêkî dûr
dûrtir le pêwaney sinûr
herçîm heye,
herçî soz û herçî hest û
herçî xoşewîstîm heye
çî mayey serberzîm heye
gilêney dûçawim heye
germayî henawim heye
gizing û hetawim heye
hemûy wekû çepke gułî
çepke diłê
le wextî beřê kirdina,
kiz westabûn legeł minake řoyştin, wek şepolê
le deryay em jyaneda
gêjawî em cîhaneda
boşayyek lirfey ehat
le qułayî em gyaneda
min û ewaney wek minin
le xemî dûrîya winin
em dabřan û cyayye
nuxşey werzî kotayyeke řoyştin, behrey şî’ir
leberçawim lêł û pêł bû
wekû caran
huner û peyamî nema
diłî şa’îr, wekû sałan
sebûrî û aramî nema
geş bînim û bebê êweş
wexte biłêm, wekû řojan
em jyane tamî nema
kamî nema