şêx miḧemmedî balîsanî witî mela mecîdî...

şêx miḧemmedî balîsanî witî mela mecîdî şeqława gêřayewe witî:

mela meḧmûdî meznawa le wextî xoya legeł çend kesêka be karwan eçin bo şwênêk, řêgake nazanin. derwêşêk hebû legeł xoyanî eben bo şarezayî. derwêş hîçî nexwarduwe û naxwa, way lê dê le birsana pekî ekewê. her çende legełî xerîk ebin hîç naxwa, ełên bo çi naxoy? ełê şêx fermûyetî le kismî destî xot nebê nabê şit bixoy. ewanîş seyr eken wa kabra be lada dê û emanîş lew řêga çołeda pekyan ekewê.

mela meḧmûd ełê bawkim were madam waye be kirêt egrîn be dû nan biço ew kere bigê. kabra řazî ebê, bełam leber birsêtî natwanê biçê belay kerekewe, hełî’egirin û eyben be lay kerekewe, wanêkekey exene dwa biřawî kerekewe, ewîş hîç hoşî le xoy nîye. le paş beynêk ke germay egatê û tozê hestî pyadêtewe ełê waz bênin xêrtan binûsê, îtir xom xerîk ebim.