sałêk desteyek kuřî kałî suleymanî bo...

sałêk desteyek kuř û kałî suleymanî bo seyran deçin bo serawî subḧanaẍa. leser kanyeke řayexî lê řa’exen û bezmî xwardinewe amade eken. pîrejnêkî cafî ew nawe wa dyarbû ew sałe le ’êl be cê mabû. be layana tê epeřê, seyr eka ewane şûşe û qapyan danawe û şitêk exonewe. be layanewe řa’ewestê û seyryan eka. lepaşa ełê eřê bira ewe şerwetî şarîye eyxonewe? ewanîş ełên bełê. ełê a qumêkîş biden we min. ewanîş le naw perdaxêka lew şite xoşeke boy tê eken û eydenê. ewîş eynê beserewe, ke eyxiwatewe tozê keyf eygirê û bizeyekî bo eka. ełê bira we kelam çikê tifit wu, welê fire xoş wu, a qumêkî tirîşim pê naden? ewanîş qumêkî tirî edenê. pîrejin be tewawî serxoş ebê û neş’e eygirê. ełê a to deng! erê kuře şarî, a lem şerwetî êwe, jinekanîştan eyxonewe? ełên bełê. ełê desa wew sey saqe her çî jinekantane we şew we řoj her xerîkî mêx wenî kuzyanin, êwe kestan bawkî xotan nanasnewe.