mamosta mela sałḧî kozepane le hewlêr û şêx...

mamosta mela sałḧî kozepane le hewlêr û şêx babe ’elîy tekyeyî le suleymanî le melayetî û le qisexoşî û le temendirêjîda şanyan eda le şanî yek. le serdemî mela efendî hewlêrîda bo ew feqêyane ke le xizmetî ewda le mizgewtekey ew eyanxiwênd; her yeke mangê dwanze řûpyey le kîsey xoy bo biřîbûnewe. samanîy mela efendîş wekû melayetîyekey her benawbang bû. carêk mela ḧememîn nawêkî xoşnawî le gundî «hertel» ewe dê bo hewlêr bo ewe le xizmetî mela efendîda bixiwênê û mangî dwanze řûpyeş werbigrê. damezran lelay efendî zor be giran ekewt çunke ta şwênî yekêk xałî nebwaye yekêkî tir cêgay dane’emezra, em mela ḧememîneş maweyekî zor bemewe xerîk bû şwênekey dest nedekewt. řojêk lelay mela sałḧî kozepanke derdedił eka ke lemêje eyewê lay mela efendî damezrê û ke çî her danemezrawe, mela sałḧîş ełê: erê babe to le hertel lo debziwêyt? derzeket lewê heye; hîç nebê mangî bayî dwanze řûpyeş her keran degêyt! îtir cige le naneket.