duktor kawis qeftan gêřayewe witî aẍawat...

duktor kawis qeftan gêřayewe witî:

aẍawatî şîwegelî û pişderî dujminayetyan hebû. dwayî bo ewey aşt bibnewe aẍayekî pişderî ḧeme řeşya aẍay «norg» bang ekat. ḧeme řeşyaẍa birayekî şêtokey ebê «simaylaẍa»y naw ebêt, zor le kakî eka, ke neçin bo ew bangkirdne, çunke tełeye boyan nirawetewe, ewanîş gałteyan be qisey şêtokeyekî weha dêt û eřon.

le řastîşda pişderîyekan nyazyan xirap buwe. şitekeşyan wa danawe ke katêk ḧemeřeşyaẍa eçêt bo nwêj, yekî le pyawekanî eman şeř be pyawêkî eman bifroşêt. ke ḧeme řeşyaẍa û pyawekanî bigirin û bałbestyan biken.

destey ḧeme řeşyaẍa ke eçin û le jêr kepirda da’enîşin be xîrhatnêkî zor ekirên, hemûyan tifengekanyan da’enên, tenya simaylaẍa nebê ke le ser koşî day’enêt. ewanîş simaylaẍa enasin û siłê lê nakenewe û be hîçî ezanin. ḧemeřeşyaẍa eçê bo nwêj û lew kateda dengî pyawekey aẍay pişderî berz ebêtewe wekû danrawe. aẍay pişderî xêra ferman eda: adey hemûyan dest best biken. lem qiseyeda ebêt û eyewê hestê egate ser çok û naga simaylaẍa luley tifengî arastey ekat û ełê: «sê be sê tełaqim kewtibê hestî etkujim, danîşî etkujim» kabra wekû qutey mil nêrke kardû bew core wişk řa’ewestê.

carê ḧemeřeşyaẍa û bem core řizgaryan ebêt, emca emênêtewe ser simaylaẍa û kabra. simaylaẍa luley tifengî arastey kirduwe. kabra ne ewêrê hestê, ne ewêrê danîşê, qut lew naweda bo xoy leser nîmçe çok westawe, her bicułêtewe simaylaẍa eykujê, tenguçełeme lêreda řûy da simaylaẍa tełaqî xwarduwe, em tełaqey em wextê nakewê ke kabra ya hestê ya danîşê, em bîkujê. kabrayş ewa her bew core mawetewe. qaçî şil ebê, hendê textew şit edene jêr kabra bo ewey danenîşê, çunke ke danîşt simaylaẍa eykujê, simaylaẍaş leber tełaqekey xoy wişk be tifengewe řawestawe destî lekar daye.

naçar pelamarî mela suleymanî mawet eden ke çarêkyan bo bidozêtewe be corêk ne tełaqekey simaylaẍa bikewê û ne kabraş bikujrê. mela suleyman ke dêt le paş têfkirîn ferman eda be çwar zelam pelî kabra bigirin be corê ke řast nebêtewe û neşkewête ser ’erz û le ser gazî pişt řaykêşin be ser ’erzekeda, eme lem kateda dyare pêy ewtirê ne hestawe ne danîştuwe, bełku řakşawe.

zelamekan le ser destûrekey mela suleyman kabra wa lê eken, emca be simaylaẍaş ełê detoş tifengeket labe. bem core mela suleyman kabray le mirdin řizgar kird û tełaqî simaylaẍaş nekewt.

bełam kabra ta řizgarî bû, katê seyryan kird hemû leşî xoy dabû be guwewe. be kurdî gûy kirdibû be xoya. yekê le tirsî ewe ke simaylaẍa destî le karaye û şêtîşe kuştî; yekê le ber ewe ke ke ta mela sulêman hatbû zorî pê çû bû.

bełê le ber tirs lew maweyeda hîçî pê nexura bû, bełam herçîyekîşî pê bûfîřandibûy be xoya.