hejar gêřayewe witî le wextî xoya hendêk...

hejar gêřayewe witî:

le wextî xoya hendêk meraẍeyî eçin bo ḧec. ke egene wiłatî ’erebistanî ew xware be karwanî ḧuştir eçin. le řêgada yekê le ḧuştirekan ekewê destî edenê ke řastî kenewe, lew kateda ke destî edenê ełên: «ya ’elî!». kabray ḧuştirewan ełê: ay ewe êwe kafirin? wełła desa natanbem. emanîs ełên wełła bira kafir nîn û musłimanîn. beher cor bê kabray ḧuştirewan saz ekenewe emca dest ebnewe ke ḧuştir řast kenewe dîsanewe ełên:«ya ’elî!» îtir kabray ḧuştirewan be tewawî eçê be řiqa û ełê êwe kafirin qet natanbem.

emanîş pyawêkî îxtyarî kone sałyan tya ebî ke ezanê îş wa bew core xirap hatuwe û lew deşteda gîryan xwarduwe ełê: «erê xizmîne ba biłên ya ełła xo kafir nabîn». bem fêłe kabray ḧuştirewan le gełyan řê ekewêtewe.