bernewerde min
Li pirtûka:
Hewargey Diɫan
Berhema:
Seyd Tahîr Haşmî (1915-1991)
2 Xulek
690 Dîtin
bernewerde min ...
ce bax awat bernewerde min
têr seyr bałay leyl nekerde min
we dam meynet gîr’awerde min
pey sizay serçing xem amade min
darat dinya ce des dade min
ce kûzey zûxaw cur’e noşe min
herdey bîdî gêł pełas poşe min
hem dîn, hem dinya, feramoşe min
çenî bext şûm hem’aẍoşe min
ce dîdar dos dûr wamende min
xemgîn xembar, dił peřkende min
fełek morey neḧis çenî şende min
seraçey şadî ce bêx kende min
serasîmey wêł mewc zułmat min
meḧrûm ce noşay aw ḧeyat min
xerîk xergaw keçî bexte min
xestey cezrewey zam sexte min
be wêney ferhad, řenc we ’efwa min
sewdayî serjan dewr dinya min
beter ce mecnûn herdan menził min
dax dûrî leyl ne peřey dił min
webend dû bad cefa beste min
ce dam cadûy cewr neřeste min
şêt wê nenas ce saye řem min
bednam řisway řom û ’ecem min
merdey çizey êş kizey daxan min
ser hełqey zumrey bêdemaxan min
ta we řoy meḧşer nałîn pêşe min
ser ne sewda û dił ne endêşe min
ten ne toy zencîr bend nakes min
gyan neçeme řay derd newřes min