’eceb feřbexşen
Li pirtûka:
Hewargey Diɫan
Berhema:
Seyd Tahîr Haşmî (1915-1991)
2 Xulek
698 Dîtin
’eceb feřbexşen ...
’eceb firîştey şox feřbexşen
ne řûy goy zinciş xałanş nexşen
zułfiş ne aqar şemaman pexşen
ahûy sunbuł çer wełedey wexşen
sayey sam sengîn ne ca nelexşen
leb mayey ḧesret, lał bedexşen
’aşiq pey maçiş, meynetan mexşen
çiman ke zuhrey sub sełatmen
sed car ce dûrîş xem xełatmen
şinoy henaseş, boy mişkinafen
egrîceş mayey ustay zeřbafen
humay humayon quley koy qafen
diłber dił ce seng, dûrce însafen
sitarey subdem, gerdûn metafen
we ḧerbey mujgan, xara şikafen
newaçî sîneş çenî min safen
řend neçîr doz, mişkîn kiłafen
we mewday peykan ew qinyatmen
sedcar ce dûrîş xem xełatmen
tekdan ew pay sext berz serkawan
seherdan ce ’etir dû lîmoş awan
nesîm we ḧełqey zułfiş nyawan
er yawan tewsîf şêweş netawan
çun min wenewşey goşey şetawan
pey nuqtey xakiş mekîşo tawan
yaḧey, bawanş bimano awan
nergis weşbo û wenewşey sawan
ce sewda, seferhat nehatmen
sed car ce dûrîş xem xełatmen