azar şikên
Li pirtûka:
Dîwanî Miḧemed Saɫḧ Dîlan
Berhema:
Miḧemed Saɫḧ Dîlan (1927-1990)
1 Xulek
2981 Dîtin
ay çend xoşe be astemê gwêm lêye
a em denge dengî diłe hî kêye
řêga çołken, azar şikênî pêye
dû awaney tavgey zełme ya zêye
ey çareser ey meturfey asmanî
to em çaret le kwêwe bomin hanî
to xeyałî ya henasey yezdanî
wa lep nermî lokey birînî gyanî
ey lêw tenk, ey pirç řeşeřeyxane
çî toy hêna bo sirewtî em gyane
kê pê witî sing birîndar dîlane
were pêşê wadey ax hełkêşane
were pêşê beramberim řaweste
lêt epirsim yek dû wişem mebeste
to bo diłit legeł azar peyweste
bezeyye, řêzgirtine, ya heste?
peyman bê legeł firmêskî çawa
legeł pirçî ałoskawî tawtawa
heta şêwey êş bimênê le nawa
şerte nełêm, hergîz nełêm mał’awa
şikofey jînî ’umirim newbehar bû
weku pişko le şewgara dyarbû
temen kurte weku kurtî gułałe
le lêw eřja bexuř ew xwêne ałe
le kwên xuşkan êwen deştî jînim
deba siktan binêne cê serînim
be komeł lêw binêne ser henasem
êwen kirdem û encam û henasem