şînî faził û fehmî
Li pirtûka:
Dîwanî Miḧemed Saɫḧ Dîlan
Berhema:
Miḧemed Saɫḧ Dîlan (1927-1990)
2 Xulek
545 Dîtin
ey biragel şîwen ken
pêy şadî le pêwen ken
meynet bihênne kaye
giryan bikene maye
bała şîn û řeşpoş ken
minałî xem lekoş ken
henisk biken be pîşe
xoşî biken le řîşe
kwê piř le nałe nałe
cêgay firmêskî ałe
kwê piř le girye û fiẍane
le řû, le sing kutane
kwê piř le ahî serde
piř le dûkeł û gerde
kwê piř le şînî xeste
ew cêgayem mebeste
ewê biken be cêgey
giřî şîwen û řêgey
řoyîn bo girdî seywan
bo sêberî erxewan
ewê ekeyn be menził
bo dû gułî cwanî gił
bo pişûy dû henase
bo yadgarî û bo tase
bo derçûnî pişûyan
le cestey hîlak bûyan
sûk byanxene gułdan
leber şikanî êsqan
azar meden be leşyan
be pêstî sûr û geşyan
be xwênî ser birînyan
be qołî ser serînyan
be çawî piř le xewyan
be goştî piř le hewyan
ey biragel şîwen ken
edî pê le pêwen ken
xem be xełk binoşin
řeşî be min bipoşin
bo dû gułî wetenman
nesrîn û yasemenman
sûr hełgeřan leberga
sûtan le deştî merga
ey daykî kurd zubanim
min řołey kurdistanim
kuřî em şax û herdem
melotkey ew bin berdem
parawî dem beharîm
qałî şewgarî tarîm
fêrî zistanî sextîm
çepke gułî bedbextîm
le payzî wiłata
le gêjawî xebata
wa bûyn be qoçî qurban
ey biragel ey dostan
sadey komełê sazken
bangewazê awaz ken
biłên şîwen û şîne
bo fazîlew betîne
bo fehmîye û be germî
esrîn biřjêne termî