to her mawî

xoşewîstim!
katê bîstim:
to koçit kird,
leber çawma kotrî hîwa û diłxoşî mird
herçî demdî,
qisey diłî řwanîn bû...
řwanînî mełoy xem û tołe û qîn bû
le ewpeřî pejarewe,
be kołê pirsyarewe,
řûm kirde kêw û bendenan
kwêstan be tem,
gułan seryan berdabowe û xem degryan,
melan ser bałyan şîn bû
bêdengî biřbendî jîn bû
xoşewîstim!
çi naxoşe,
dînî qafłey bê serqafłe,
hîwa biřan,
bêdengî û řenc û azar
le ast qaqay dêwî dizêw
giryanî bêdeng û hawarxoşewîstim!
katê wîstim!
piř be diłim hawar bikem
destî zordar ewkî kuşîm
hawar le nêw gerûma mird
katê wîstim,
çaw bigêřim,
be ser çawî çaweřêma
perdeyekî řeşyan kêşa
wîstim řakem,
kot û zincîr azaryan dambełam azîz!
ber lewey ke gwêm baxnin,
gwêm le sîřey hełoyek bû,
le samî ew, dêw bêdeng bû,
perdey řeşî çawim laçû,
zincîr pisa, kotîş dakewt
hawarim kird:
serqafłey hîwa kwanê?
heło gutî:
- le berzayî çyakana,
le asmanî kurdistana,
deřwanête gel û wiłat
peroşe bo cergey xebat
çawim le dundî çya kird,
azîz! eto řawestabûy,
bizey mendit leser lêw bû,
qiset dekird:
- karwan debê řanewestê
řê dyare
herçî řawestê, dewestê!
xoşewîstim!
eto detgut:
- bûmelerze,
agirpijên, gêjełûke,
bestełek û serma û sehoł,
terze, lafaw,
hîç kamyan neyantiwanî
řêgey karwanman kwêr ken
xebatman estêwir ken!
xoşewîstim!
katê berew mał bûmewe,
le gełma bûy,
le diłma bûy
katê diłope firmêskê,
le çawekem xizîye xwarê,
kewte ser pelkî sûrgułê,
gułim çinî û bom řadaştî,
bizet hatê
le řwanînit şermezar bûm
detgut çawit be min dełê:
- xo nemirdûm!
bełê waye to her mawî û her demênî!
to peykerey kołnedanî!
tîşkî mêjûy!
hêzî jyanî!
to berbeyanî hermanî!