netîcey pak dîn şêxî sazanî
Li pirtûka:
Dîwanî Mewlewî
Berhema:
Mewlewî (1806-1882)
2 Xulek
862 Dîtin
netîcey pak dîn şêxî sazanî
xas weten ne dił me’dûmNasnava edebî sazanî
persam ḧesْbe alْاەمْrErebî guzeştey eḧwał
cwaw da řêzey şîşey qedîm sał
zerfê bîm ne toy wextî şamewe
çun sitarey subiḧ medrewşamewe
pey guław paşî û neş’ey bezmî keyKes
ga piř guław bîm, ga serşarî mey
ga we ser řefey zeřîn taqewe
ga we des saqîy sîmîn saqewe
ga ne ser pencey banûy bênîqab
çun siweyl řewneq pencey aftab
ne bezmî şîrîn xusrewanî dewr
mamam ne gerdiş her satê sed tewr
guław mepaşam we řûy yaranda
bade mebexşam we meyxaranda
ga gerden ne des nazk endaman
ga des ne gerden jerej xeraman
gahê řû we řûy leylê endazan
gahê leb we leb şay şîrîn řazan
hestîm bêşumar mestîm we ko bî
tuẍyanim çun taf cwanîy to bî
ce řûy nadanî ew bezim û ew cem
we cawîdanim minmana we çem
fełek şî we qîn cewr û sitemda
ew bezim û ew zewq gişt da we hemda
minîç wey terze we sed pare kerd
her pare perêm sed pejare kerd
me’dûmîNasnava edebî ’amen beła û derd û bîm
eweł qarûrey şiksite min nîm
hoşyar ber mîwey mestî ẍefłeten
ẍefłet sermayey hezar xecłeten
haka destî çerx hem sitêze kerd
çun min şîşey toyç řêze řêze kerd