kak eḧmedî muftîzade

«kak eḧmedî muftîzade» xałî macîd, wek dełên «nazî şagird be huner degatewe mamosta» dyare exlaqî kak eḧmed karî zor kirdote ser xwarza û xuşkî û xizmî.

le heray azadîxwazîy kurdistanî dway înqîlabî îslamîda, zor kes le kurdekanî sabłaẍ û sine xirapey eḧmedî muftîzadeyan degut. bełam ke degełî bûme aşna, zanîm le ẍerezêkî nezananewe xirapey dełên. gunahî her ewe buwe ke musułmanî beřastîye û em biřwayeş bo komonîst û zor le lawanî emřoman qut naçê. muftîzade be dił wîstuye azadî bo kurdistan bistênê; zorîş mandû buwe. neşîzanîwe melay ḧakim diroyan le la gunaḧ nîye; firîwî be qiseyan xwarduwe û lay wa buwe ke qewlî azadîy kurdistanî pê deden, řast deken. xoy ke bê diro û diłpak buwe, lay wa buwe qewlderekanîş diłpakin! wa êsta ke em řûpeřane denûsim, kak eḧmed le zîndandaye û zor cizya dedrê û be sedan le hawkaranî - ke zoryan tazelawin - le sûçî zîndan tund kirawin û hîçyan le peyřewîy kak eḧmed paşgez nîn û leser biřway xoyan sûrin. lew sawe xom řûbeřû kak eḧmedim dîwe û seferim bo şîmal degeł kirduwe, zor weber diłim kewtuwe. lam waye be mirdûyîş hezaran komonîstî nezanî debê be qurban bikirê...