meylit arezûy eẍyar kerdebê
Li pirtûka:
Dîwanî Mewlewî
Berhema:
Mewlewî (1806-1882)
1 Xulek
948 Dîtin
meylit arezûy eẍyar kerdebê
çêş xameket nam me’dûmNasnava edebî berdebê
bêmnet ce meyl amay nametim
memnûnî ce wefay řeşḧey xametim
persabêt çonî? wêt ẍełet kerden
mer nimezanî dûrît çi derden
germîy biłêsey derûnî demax
dêwelûlî ax diłey piř ce dax
ew berd nim ne çem dîdey piř ce derd
êd mała řûy ḧerf xeyałî bêgerd
ne qetrey esrîn menden ne çemda
ne nuxte ne ḧerf înşay matemda
’erze şahîden xas bidye pêşda
ḧerfî nuxtedar nemenden têşda