luqmekey masaw qûłî deryay meyl
Li pirtûka:
Dîwanî Mewlewî
Berhema:
Mewlewî (1806-1882)
1 Xulek
562 Dîtin
luqmekey masaw qûłî deryay meyl
luxtî say kołey saray derdî leyl
yawa pêm namey weş teḧrîreket
înşay derûn soz piř te’sîreket
ḧasiłş nebo feramoşîman
wadey bezmî germ bade noşîman
çenî hamferd gerd cyayî şîyen
min û to ce beyn min û to nîyen
saqî cam we dem ey yek meřêzo
neş’ey mey ne dił ew yek mexêzo
beł ney ten ey gyan tonî kerî ’ezim
mey noşî û, cestey min zemînî bezim
çun kewt ew dewrey pyałey bêgerd
ne řûy ey zemîn neqşî ey çend ferd:
bezmen, yaran mest, badey baqîyen
me’dûmNasnava edebî erzekey bezmî saqîyen
ya bałay saqî wey lada xemê
ya cam cew baqî pey zemîn nimê