qurban qurbanen cejnen şadîyen
Li pirtûka:
Dîwanî Mewlewî
Berhema:
Mewlewî (1806-1882)
2 Xulek
3196 Dîtin
qurban, qurbanen, cejnen, şadîyen
des ne gerdenen, řoy azadîyen
hey des bos des bos weş nîgaranen
xeyr pa bos pa bos xatir daranen
kon kuştê û bardêy guł cemînanen
hey ser, hey eřwaḧ dił xemînanen
herkes gyan we kef pey nîgarêwen
heryek qurbanîy wefadarêwen
sîway sewdayî herasaneket
meḧrûm ce keftey pay asaneket
ne pey çem surmey gerdî pałaten
ne pey gyan qurban bejnî bałaten
merd pey osa deyNava taybet bê dirêẍeket
bîsmîlla, tekbîr des be têẍeket
pey qurbankerdey nałe ney řeng bey
çêş mibo er bey? wey pey min er ney!
sa toyç min were, we qurbanî ke
min we qurbanî řay řebbanî ke
ewsa toyç pey wêt xeyrêt kerdebo
minîç kemter zûx derdim werdebo
me’dûmîNasnava edebîy bedbext natemamenî
rasen bê dewłet xeyał xamenî
qurbanî mişyo ce ’eyb berî bo
fîdayî pesend řay diłberî bo
to pa şiksitey berdî herdey derd
çem korî meynet, ten zayf, řeng zerd
xeyałêt kerden ce řûy nadanî
çi layq we ton řutbey qurbanî