fełek kam tîr bî nedat ne derûn
Li pirtûka:
Dîwanî Mewlewî
Berhema:
Mewlewî (1806-1882)
1 Xulek
771 Dîtin
fełek, kam tîr bî nedat ne derûn
ce kam zamanit şikayet kerûn
çun bêḧeden zam desî to kerde
rû kerûn ew lay dosî wiyerde
azîz, to herçend bêmeylî kerdî
we bê min teşrîf ew ḧuzûr berdî
min tenyayî to mido azarim
ce namayî wêm xecałetbarim
ay bêwefa wêm min řaḧet weş řeng
to diłteng, bêřeng, nesay serdî seng
ey cestey xestem řewyeş nefama
dił we zyaret mezarit ama
derûn we soziş ayr nimawe
zwan pey te’rîx piř ce du’awe
be amîn ce şeř dozex azad bî
we seyrî řeḧmet ebedî şad bî