gutim be bextî xewałû bese eto bî û xuda
Li pirtûka:
Dîwanî Ḧacî Qadrî Koyî
Berhema:
Ḧacî Qadrî Koyî (1816-1897)
6 Xulek
5319 Dîtin
gutim be bextî xewałû: bese eto bî û xuda
le xew hełsite zemanê biçînewe ew la
guřey beharîye êstêke şax û daxî wiłat
piře le lale û nesrîn û nergisî şehla
le girmegirmî seḧab û le hajeyî baran
çyaye piř le hera û nwałe piř le seda
piře le seyl û le golaw û kanî řûyî zemîn
piře le berq û birîqey birûske cewwî sema
şikofe dirhemî şabaşî bay we’de deka
le şewqî meqdemî xemłîwe dar û berdî çya
pyałeyî zeřî nergis le ser kefî sîmîn
piře le şebnimî wek duřiř û lu’lu’î lala
gułîş be penceyî feyrûze camî yaqûtî
lebo nîsarî muheyyaye piř le zeřřî teła
le şadî wek sefî şayî le kêw û kej ezhar
heja be xel’etî gułgûn û kewte řeqis û sema
çemen le lale mîsalî xetî řuxî dulber
syah çadrî lê bote xałî ser gona
le kin benewşe û xaw û hełałe û beybûn
hełałî pêsteyî xawe ’ebîr û muşkî xeta
çya le tewqeserî dařjawe ta kemerî
çu zulfî sunbulî derhem, çu perçemî beřeza
be coşî agirî gułnarî kanî hełdequłê
mîsalî dîdeyî wamîq le ḧesretî ’ezra
qełatî zîwî řuxawe heres be topî nesîm
supahî lale û guł çadrî le cê hełda
le goleşînê ke qaz û mirawî dên û deçin
nezîrî mah û sitaren le qulzumî mîna
şiney nesîme seday awî safî ser qełbez
be wirşewrşî gya şengebî buwe şeyda
xirîng û hořî qułîng û qetarî sî le seran
deyêt û kew defřêt û şehên çirîke deka
le pîřepîř û le simkołî pîre gakêwî
delerzê gawî zemîn û detirsê gawî sema
le bistû, dûkełî şînî tifengî nêçîrwan
mîsalî sunbulî zulfêke têk biçê be seba
çyaye şêx û keway sewze, mêzerî befre
sîwakî çûzere řêwase, teylesanî geła
çemen le lale û řeyḧan û nesteren îmřo
supêhir û subiḧ û şewe û aftabî wextî zuḧa
çinar û ’er’ere defzen hezare neẍmeseray
gyaşî zakîre tesbîḧî şebnimî le mila
le jûrî mêgelî hewre, le jêrî mêgelî meř
şebîhî gułşenî xezraye tûdeyî ẍebra
le kêw û kej ke ser êware dêtewe małat
le dewrî çadrî saḧêbî mewcî da, westa
le ḧîleḧîlî keḧêl û le bařebařî meřan
le dengî qořeyî gacût û bořeyî manga
le gurgelûr û ḧepey seg, le qařeqařî bizin
le ’eksî dengî dubarey ke dêtewe le çya
le oḧe’oḧeyî gawan û qîřeqîřî şwan
le bigreberdeyî kaban debête ḧeşir û ḧela
mela’îkey serî taq û řewaqî mînayî
deyêne cunbuş û lerzîn, dekewne ḧewlewela
ke hełkira şewê agir le kullî řeşmałêk
xecił debin le zewayayî xeymeyî wala
’utarîd û zuḧel û aftab û mahî temam
xulase sabît û seyyare ta degate suha
seba! dezanî jyanim le dûrîyan merge?
desa were be kizey xot xecił bike ’îsa
eger minim le fîraqyan kizem le cergewe dê
eger diłe wekû cergim dełêy ewa sûta
le paşî em hemû dastane bextî xabalûd
mîsalî ejderî nûstû be řiq le xew hesta
cewabî damewe emma cewabekî wa řeq
nema mecalî meqal û mubaḧese lem la
gutî hetaku xezan û behar û zistane
medarî ’eyşî mewalîdî ’alemî ẍebra
beharî wa hemû sałêkî dêtewe emma
ewanî deçne dyarî memalîkî ’uqba
yekêkî nayetewe; çûnyan her ew çûne
le şêx û ’alîm û cahîl, le padşah û geda
mekane, şewqî be ’êlate, peşme konehewar
ḧeyate zewqî be eḧbabe, baye ab û hewa
řefîqî kone nemawin, cwanekan pîrin
be şeq deřon û le darî dyare şeqqî ’esa
le dûsedî yekekî zeḧmete binasîyewe
meger be naw û nîşan û be xizim û bab û bira
ke bêy û biçyewe êsta ki’enehuErebî dîsan
sefer dekey le weten deçye şarî cabulqa
xulaseyî qise êstêke mesłeḧet emeye
biłêy be wechî nesîḧet, be kaẍez û înşa
eman! kuřanî řefîq û biraderanî wiłat
be êwe her ke geyî em kelamî bê serupa
le paş ewey ke tesîḧ û mutałe’ey bikirê
be yadî min le berî ken le řûyî mîhir û wefa
heta le xîtteyî bêgane fexrî pêwe bikem
le beynî zumreyî eḧya û mecme’î mewta
winî meken wekû asarî nalî û kurdî
le sehwî dîde bipoşin, guzer biken le xeta
nîye le mumkînî îmkan xeta û sehwî nebê
be ẍeyrî xwaceyî dîwanî ’ilem al’esmaErebî
ewî ḧesûd û cehûln, le’îm û řexnegirin
le ’eyb û řexneyî ’alîm berî debin udeba
emane zadeyî efkar û xoşewîstî minin
eger qebîḧ û kerîhin, eger şel û e’ma
mîsalî ferxeyî jîşk ke pêy dełê daykî:
îlahî qaqume ya xez, semûre ya dîba
şebîhî cołeke řazî nebê be serdiřî xoy
mełên fesaḧetî kurdîNava taybet be farsîNava taybet naga
belaẍetêkî heye, hîç zubanê naygatê
le bê te’essubî kurdane bê řewac û beha
ke xotî tê negeyênî, le nîktekanî negey
dełêy hemûy hezeyane, xuda bełay lê da
bełam ewanî ke seřřafî zêř û zîwî qisen
be şehřewayî dezanin, çi sikkeyêke řewa
çi ḧîkmetêke ke asarî kurdenamûsî
ne kîmîyaye ne ’enqa le beynî ême nema
îlahî neyxeye ber çengî mendebûrî le’îm
niqûdî ḧacîNasnava edebî ke neydîwe xusrewNava taybet û daraNava taybet
umêdî waye nesîbî kerîmekî wa bê
be xêrî daykî û babî le řêy xuda bîba
gelê qisem le diła bû, ḧîkayetim mabû
keçî le bextî keçim xame nûkî lêre şika