şêxî dewłemend behrey sermedî
Li pirtûka:
Dîwanî Mewlewî
Berhema:
Mewlewî (1806-1882)
3 Xulek
1240 Dîtin
şêxî dewłemend behrey sermedî
yagey ḧeqîqet cîlwey eḧmedî
ce şew hewargey fena wiyerde
pay herdey beqa yataẍge kerde
muttesîf be wesif şe’nî û sîfatî
muşeřřef be feyz tecellay zatî
xelîfey seday ئەەدْnîErebî şinefte
bełed ne saray etwar hefte
wasîtey řagey beyn ’îlim û ’eyn
saḧîb cenaḧeyn ye’nî zyalnّwireynErebî
pîrî pak ce gerd xakî nasûtî
menziłgey ser berz ser melekûtî
dił we neway bezim ceberût awa
sêrawî seraw lahûtî mawa
cîsْmaً ledeyْna, rûْḧa ledeyْhîErebî
da’îrey temam mînْhu îyleyْhîErebî
bêtelwîn ne say temkînda mekîn
reweّḧe alilّhu rûḧehu, amînErebî
namey řoḧ efzay şîrînit yawa
dił we merdumek dû dîdeş sawa
toy derûn we nûr sefa da perdax
boy aşnayîm da ne řûy demax
dergay ḧuqey lał danet şikawan
ce řûy lutfewe înet fermawan:
«ya kaẍez biřyan, ya meła merden
ya xo ’arten dos we yad kerden
ẍemgîn menîşe ẍem bider we bad
fełek nimazo kes we xatir şad»
eweł min kênan, wicûdim cekon
waçûn dosenan şerit qebûłî ton
er we bêgane, wer xwêşim zanî
to ḧesawenî we her çîm wanî
duwem çun kesê gedayî kêş bo
yadî tewazu’ xesłetî wêş bo
er baro ne dił tewazu’ kerden
her ’adetî wêş we ca awerden
bełam her kesê şêxî mîsalen
’adet îstîẍna û şêweş celalen
er car carê nam çun minê bero
xerqu al’adeةErebîê zahêr mekero
er řazît we yad xestey diłgîrî
ya şêx to daym neqşî zemîrî
çi ḧaceten des pey qełem berûn
yadim nimeşî çenît yad kerûn
pey kesê xasen namey ce ḧub keyl
taze bisano wuzuErebî ce coy meyl
xo min her ce zû we meylit mestim
her canfîdakey řokey elestim
sêyem, xemgînîm ce des xecłeten
xecłetim ce des sextî ẍefłeten
yaran wêney saf mey wekamewe
wiyerden, çun durd her min mamewe
gyay pejmurdey tejnekey bêşom
çemeřay waray hewrî lutfî tom
to des we řeşḧey řeḧimit peyapey
min wey piřxawî ḧeyfen ye takey
tenyay ḧeqîqî nerdê bişano
min û to ce des min û to sano
to bêto lutifit pey min zyad bo
min bêmin řoḧim we xizmet şad bo