çepgerd

Li pirtûka:
Řengaɫe
Berhema:
Şêrko Bêkes (1940-2013)
 4 Xulek  982 Dîtin
ew řojey to
diłit wekû
kanîy gundêkî çołkiraw
yan pelupoy dirextêkî
be pêwe giř têberdiraw
yan çoleke bawkeyekî, zeřneqûte
le hêlaneda ser biřaw
yan wek çawanî baxanî
«bawemirde» û qilyasanî
ew sataney
le sereřêda bo nalî û koçî nalî
wek jinanî silêmanîNava taybet
wekû erxewanî seywan
hemû gełay qijyan řinî û
wek tanceroNava taybet bekuł giryan.
ew řoje to
diłit wa bû
ew řoje to
bawkî hemû xemî şar bûy.
horey giryanî qeredaxNava taybet
lankey janî
qet nesrewtî
daruberdî serçinarNava taybet bûy.
ey hawřêy ferhengî xemNava taybet!
lenaw perjînî temewe
tarmayîm û çawim lêye
çi řojêkî weyşûmeye
çepgerdî kost a emeye!
ey şa’îrî
gewrekçî şî’rî qij zerd
cwanemerg bû!
gerdelûlî «wey» emeye.
ey hawřêy ejnoşkaw!
şaroçkeket zor biçûke
keçî kirasî xwênawîy «kejał»y to
lem sateda
be berî dinyaş gewreye!.
ey şa’îrî ferhengî xem!
ew řoje to diłit wa bû
her heman řoj minîş wêłî
dway şî’rê bûm
bejnî wekû bejnî xemit
kełeget bê
wekû jałey ber pencerey
jûrî daxrawî kejał
hemû şewê
çawî gułyan
be firmêskî dirişt mest ebê.
şî’rê, şî’rê
wek çaweřwanîy awêne û
şaney qijî û
cantay destî
wek çaweřwanîy lapeřey
hêşta sipî naw defterî.
wek tasey çaketî şînî.
wek tenûrey xołemêşîy
bergî sê sałî xwêndinî.
şî’rê, şî’rê
wek tasey qełem bo pencey
wek gułebax bo egrîcey.
wek çirpakey bo xewtinî
wek şewqî heywan û naw hoł
çaweřwanîy cadey ber mał
zengî derga
bo hatnewey, dabezîn û geyştinî.
şî’rê, zirîkey tałemûy
qij řakêşan!
řengî şîn û řengî morî
cêge darî şan û qoł û řanî tya bê.
řengî peřîwî wek lîmoy
sîs û guşraw.
zerdexeney kartî derçûn, dwapirtey momê kujawe.
dwahenasey askê sipî
şî’rê wirşewpirşey sûrmey
ser termekey ewî tya bê.
bełam bibûre hawřêm
hawřêy seywan!
ey hawřêy qoł be qołî
kosta kirdû!
ey hawřêy le sê řoja
řîş û simêł
kakołî qij
gułî sipî giryaw girtû.
ey peyjey xemî banîjey
pile şikawî ḧuzeyran!
ey řeşeřêḧaney wişey
ser mezarî gişt «kejał» û
gişt diłdarêkî kurdistan.
bibûre lêm bo ew şî’re
êcgar geřam
bo her şwênê kejał çûbû
her cêye bonî gułezerd
ew qijey ewî girtibû.
minîş boy çûm
bo ew şî’re gelê geřam:
le pasî hejde neferîy řêy hewlêrda
ser kursîyekan
jêr kursîyekan
wird wird geřam.
kogakanî dewrî «qeła»
naw camxane, ser řefekan
naw miştî qutûy milwanke
jêr niqêmî mustîlekan
hemûy geřam
berbaxeł û kilorî gîrfanî hemû
dirextêkî
şeqamî xiřî «şest metrî»
pol be pol û
hoł be hołî
zankoy zîzî
hemûy geřam
kûçe be kûçey çîrok û
bax be baxî naw honrawey
kitêbxanekey ḧeyderîNava taybet
hemûy geřam,
lêreş geřam
jêr çetrî pasî serçinarNava taybet - silêmanîNava taybet
bist be bistî kenarî aw
jêr pirdekey, mołgey masî
dûr û nizîk
mał be małî destexuşkî
hemûy geřam
naw orizdî, ser şanokan
şeqamekan, kaweNava taybet, mewlewîNava taybet, tûy melîkNava taybet
pyadeřewî teng û nizmî
diłinsirmî
naw qeyserî
hemûy geřam.
bełam bibûre hawřêm
hawřêy seywan!
ey qełemekey guł be dem!.
ey hełbeste piştên řeşe
řîş hatuwekey
wiłatî xem!.
bibûre lêm herçend geřam
min ew şî’rem nedozêwe
bałay xemî be qed bałay
em kostey to kełeget bê
wek «kejał»y giłbirdûşman
perîyekî şoxuşeng bê.